XIV concurso literario ‘Condau de Ribagorza’

492

BASES DEL XIV CONCURSO ‘CONDAU DE RIBAGORZA’ DE RELLATOS CURTOS Y POEMAS EN BAIXO-RIBAGORZANO

Ayuntamiento d´Estadilla – Ayuntamiento de Fonz – Ayuntamiento de Graus

Marzo de 2015

Los Ayuntamientos de Estadilla, Fonz y Graus convocan el XIV Concurso lliterario en aragonés baixo-ribagorzano Condau de Ribagorza, en las modalidaz de narrativa y poesía en categoría d’adultos, y de narrativa en categoría chovenil (12 a 17 años).

1.   La convocatoria del concurso é de tot ubierta, se i puede presentá qui quiera.

2.   Los treballos habrán de sé originals y inéditos. Los concursantes se fan responsablles de que no ñ´hai dreitos de terceros en los rellatos presentaus.

3.   La temática del concurso é llibre.

4.   Los originals estarán escribius nomás en cualquiera de las modalidaz dialectals de l’aragonés baixo-ribagorzano, en las suyas variantes de Graus, Fonz, Estadilla, Chuseu, Torres, Panillo, Capella, La Pueblla de Castro, Secastilla, Perarruga, Santallestra, Campo, etc.

5.   En la categoría d’adultos los rellatos tendrán una extensión no inferior a cuatro pllanas DIN A-4 ni superior a seis. En la categoría chovenil caldrá que tiengan una extensión d’entre dos y cuatro pllanas. La lletra será Times New Roman 12 puntos, con espaciau i chustificau normals.

6.   La métrica de los poemas é llibre, y la suya extensión habrá de ser superior a cincuenta versos y inferior a doscientos, podén-se presentá baixo la forma de poemas sueltos u poemarios.

7.   S’admitirá un máximo de dos treballos per autor, se presenten u no a la misma modalidá.

8.   Los treballos caldrá mandá-los per email a estadilla@estadilla.es con la referencia Concurso Condau de Ribagorza, y quedarán en posesión de la Organización. El pllazo d’entrega acaba a las 14 horas del martes 31 de marzo de 2015.

9.   En atro documento, los autors inclluirán el suyo nome y edá, apellidos, DNI y datos de contacto.

Premios, churau y fallo del concurso.

10.  La dotación del Concurso é de 600 € en la modalidá de rellatos y 300 € en la modalidá de poemas, en categoría de adultos. En la categoría chovenil, n’habrá dos premios de 100 y 50 € que podrán escambiar-se per material escolar.

11.  El Churau, que podrá decllará desiertos los premios u atorgá accésits si fuese menesté, estará integrau per un representante de cada ayuntamiento que convoca (Estadilla, Fonz y Graus) y per varios llingüistas de reconocida profesionalidá, los nombres de los cuals se farán públlicos cuan s´entregue el premio, qui será inapelablle.

12.  La Comisión fará públlico el fallo del churau en Estadilla per los días de la fiesta de San Chorche.

13.  La Organización publlicará una tría de los treballos presentaus.

14.  El churau tiene la potestá de resolvé cualquier eventualidá que no haiga siu fijada dinantes en estas bases, resolvén-se al suyo arbitrio cualquier duda que se i podese presentá.La grafía en que se publlicarán las obras premiadas, con l’asesoría de los llingüistas que integren el churau, atenderá a los usos de los autors tradicionals.

 

En Estadilla, a 2 de marzo de 2015

 

Los ganadores en la edición 2014 fueron Chuan Carlos Marco y Chaime Capablo, con sus relatos La Funeraria y Belladona, Sulfuro y Sal, respectivamente, y Celia Naval, con su poemario Cuchilladas.

 

www.espaciopirineos.com

Bases_XIV_Concurso_Condau_de_Ribagorza.pdf