Con motivo de la celebración del Día Internacional de la Lengua Materna (21 de febrero), este lunes 23 de febrero se han presentado en Graus las bases del XXV concurso literario en ribagorzano ‘Condau de Ribagorza’.
BASES DEL XXV CONCURSO «CONDAU DE RIBAGORZA» DE RELATOS CURTOS Y POEMAS EN RIBAGORZANO
Ayuntamientos de Graus, Estada, Estadilla, Fonz y Lascuarre 2026
Los Ayuntamientos de Graus, Estada, Estadilla, Fonz y Lascuarre convocan el XXV Concurso literario en ribagorzano «Condau de Ribagorza», en las modalidaz de narrativa y poesía en categoría d’adultos.
- La convocatoria del concurso é de tot ubierta, se hi puede presentá qui quiera.
- Los treballs habrán de sé orichinals, no premiaus y ineditos. Los concursáns se fan responsables de que no ñ’haiga dretos de tercés en los manuscritos presentaus.
- La tematica del concurso é llibre.
- Los orichinals s’escribirán en ribagorzano, en cualquiera de las suyas modalidaz de Ribagorza, Somontano de Barbastro, Cinca Medio y Alta Llitera.
- Los relatos tendrán una extensión no inferió a tres pllanas A4 ni superió a cinco. La lletra será Arial 11 puntos, con espaciau y chustificau normals.
- La metrica de los poemas é llibre, y la suya extensión habrá de sé superió a cuaranta versos y inferió a doscientos, podén-se presentá al concurso baixo la forma de poemas sueltos u poemarios.
- S’admitirá un maximo de dos treballs per autó, se presenten u no a la misma modalidat.
- Los treballs caldrá mandá-los per correu-e a info@espaciopirineos.com, con la referencia «Concurso Condau de Ribagorza», y quedarán en posesión de la Organización, podén-se utilizá con fins d’estudio. El pllazo d’entrega finaliza a las 15 horas del 15 de mayo de 2026.
- A un atro documento, los autós inclluirán el suyo nombre y edat, apellidos, DNI y datos de contacto.
Premios, churau y fallo del concurso.
- La dotación del Concurso é de 600 € en la modalidat de relatos y de 300 € en la modalidat de poemas.
- El Churau, que podrá decllará desiertos los premios u atorgá accésits si fuese menesté, estará integrau per varios expertos d’acreditada profesionalidat. Los miembros del Churau se farán publlicos cuan s’entregará el premio. La suya decisión será inapelable.
- La Comisión fará publlico el fallo del Churau a Graus el 6 de chuño.
- La Organización publlicará una tría de los treballs presentaus.
- El Churau tiene la potestat de resolvé cualquier eventualidat que no haiga estau prevista a estas bases, decidín-se al suyo arbitrio cualquier duda que se hi podese presentá.
Graus, a 21 de febrero de 2026.
Bases XXV Condau de Ribagorza maqueta
